Желтоқсан оқиғасына орай Д.Әбілев атындағы көпшілік кітапханасында № 24 жалпы білім беру мектебінің оқушыларымен «Азаттықтың ақ таңы» атты шара өтті. Шарада өткен тарихи кезең туралы кеңінен мағлұмат берілді. Еліміздің тәуелсіздікке жету жолындағы жетістіктері, халқымыздың қайраттылығы мен батылдығы жөнінде балалармен пікір алмасу өтті. Қазақстан Республикасы, табиғаты, батырлары туралы викторина өтіп, мақал-мәтелдер айтылды. 10 сынып оқушылары аталған тақырыптар бойынша өте жақсы білімдерін көрсете білді. Шараға арнайы кітапхана қызметкерлерімен көрме ұйымдастырылды.