2024 жылғы 19 желтоқсанда Павлодар қаласының №24 жалпы орта білім беру мектебімізде әдістемелік консалтинг аясында Павлодар, Екібастұз қалалары мен Павлодар ауданы мектептері басшыларының орынбасарларына WORKSHOP өткізілді.
Мектеп басшысы Ә.Ж. Шәріпбаева жеке тұлғаның рухани-мәдени дамуының кеңістігі ретіндегі мектебіміздің маңызды бағыттары мен жобаларын таныстырды.
«Әр түрліліктегі бірлік: мектеп оқушысының бәсекеге қабілетті және үйлесімді тұлғасын тәрбиелеудегі заманауи технологиялар» атты жағымды практикалар арқылы білім беру тәжірибесін тарих мұғалімі Р.Р. Смаилов шеберлік сабағында ұсынды, оған Павлодар облысының ҚХА аналар кеңесінің төрағасы Б.Ш. Максилова, облыстық мәслихат депутаты, Қазақстан халқы Ассамблеясының мүшесі, «Павлодар облысының «Буковина» румын-молдаван қоғамы» ҚБ орынбасары О.В.Пфафенгут қатысты.
«Біртұтас тәрбие» бағдарламасы аясында, еңбек пен кәсіпқойлық бағыты негізінде оқушыларды қаржылық сауаттылыққа үйрету мақсатында « Білімі-қымбат қазына,қанағат тұтпа азына» тақырыбында өз тәжірибелерімен қазақ тілі мен әдебиеті мұғалімдері Адильшенова Б.Ж. мен Касымканова Р.К. өткізді.
Мектеп мұғалімдерінің шеберлік сабақтары аясында география, математика, қазақ және ағылшын тілі сабақтарында заманауи технологияларды, жасанды интеллектіні енгізу және нейрожелі арқылы креативті ойлауды дамытудағы өзекті тәжірибелер ұсынылды:
К.С. Смагулова, У.Ж. Казыбаева, Г.С. Тугумова, Р.Н. Ермекбай, А.Н. Семенова, Е.Е. Әндар, Н.В. Путикова, З.М. Усенова, А.С. Шуленбаева.
WORKSHOP қорытындысы бойынша рефлексиялық тәжірибе барысында қатысушылар ұсынылған тәжірибені жоғары бағалап, мектеп оқушыларының функционалдық сауаттылығын қалыптастыруда, шығармашылық ойлауын дамытуда, «Біртұтас тәрбие» бағдарламасын жүзеге асыруда әріптестерінің жұмысының тиімділігін атап өтті.
@bilim_pavlodar
@qydralin
@samal.aitkazina
@metod_cabinetoo_pvl