Мектеп! Ұстаз!Оқушы! Міне, осы үш  ұғымды  ұштастыратын  кезекті оқу жылының  өз мәресіне жетуіне санаулы күндер қалды. «Көктемде не ексең, күзде соны орасың» дейді халқымыз. Жыл қорытындысын шығаратын уақыт та келген сияқты! Осыған орай  16.05.2014ж  қазақ сыныптарында «Ашық Есік Күні» болып өтті.Бұл   іс-шараға ата-аналар шақырылды.Бағдарлама бойынша 2,3 өткізілген ашық   сабақтар соңы  мектеп ауласындағы  «Жұлдыздар шеруімен»  аяқталды.

     Мұнда  «Білікті бірді жығар,білікті мыңды жығар»  деген  сөзді  берік  ұстанған    оқу озаттары,  ғылыми жоба,олимпиада ,з ияткерлік жарыстардың  жұлдыздары, «Абай оқулары»,«Махамбет оқулары» сайысының  жеңімпаздары,интеллектуалды қазақтың ұлттық ойыны тоғызқұмалақтың хас шеберлері ,«салауатты өмір салтын» ұстанып, спорттың  басқа да түрлерін меңгеріп,  қалалық, облыстық, республикалық деңгейде жетістіктерге  жеткен оқушылар,жыл бойы  киелі сахнада өнер көрсетіп,көрермендердің көзайымына айналған мың бұралған бишілерге,күміс көмей әншілерге қошемет көрсетілді. Жұлдыздарды  құттықтау  мәртебесі мектеп директоры Рахимғожина Нұргүл Шампатқызына берілді.Іс-шараның соңында  «Атамекен» әні  қалықтап, қатысушылардың барлығына мерекелік көңіл-күй сыйлады.