13- 14 мамыр, 2015 жылы Шығыс Қазақстан облысы «Шығыс» өңірлік орталығы қазақтың ұлы ақыны Абай Құнанбаевтың туғанына 170 жыл толуына арналған «Абай мұрасы – ұрпаққа ұлағат»атты аймақтық ғылыми-практикалық конференция өткізді. Конференцияға Алматы, Қарағанды,Шығыс Қазақстан, Павлодар облыстарының әдіскерлері мен қазақ тілі мен әдебиеті мұғалімдері қатысты. Конференцияға қатысушыларын Абай ауданының шекарасынан қарсы алып, Бөрлі мұражайына, Бөрлідегі Мұхтар Әуезов мұражайына, Сырт Қасқабұлақтағы Абайдың туған жеріне, «Еңлік-Кебек» ескерткішіне апарып, Жидебайдағы Абай мұражайымен таныстырып Абай, Шәкәрім кесенесін аралатты. Екінші күні аймақтық ғылыми-практикалық конференцияда қатысушы Смағұлова К.С. «Абай Құнанбаев шығармаларындағы антонимдік қолданыстардың ерекшеліктері» атты баяндама оқып, сертификатқа ие болды. Баяндаманы «Абай мұрасы-ұрпаққа ұлағат» атты жинаққа енгізетін болды.