Менің атымДанил Величко. 7 маусым күні мен және мектебіміздің тағы 4 оқушысы Бурабайда орналасқан «Сұңқар» лагеріне демалуға бардық. Лагерьде мейірімді тәрбиешілер мен аға жетекшілер қарсы алды. Топ тәрбиешіміздің аты Наталья Владимировна, аға жетекшіміздің есімі Айтолқын. Олар 10 күн бойы екінші ана бола алды. Бізге қызықты болу үшін үлкендер қолдан келгендерін жасады. Лагерьде көптеген түрлі үйірмелер жұмыс жасады: «Епті қолдар», «Биле-биле!», «Қара магия», «Табиғаттағы ойындар». Маған қызықты болған соң, барлық үйірмелерге қатыстым. «Мойдодыр мерекесі», «Туған күн иелер күні», «Керісінше күні», «Ақ түсті күн» сияқты іс-шаралар, әсіресе,  «Теңіз қарақшылар күні» ерекше есте қалды.Онда біз теңіз қарақшылар және қазына іздеушілер болып ойнадық. 4 рет жорықта болып, «Екі ағайын» атты тауына шықтық. Соңында алау мен от шашу ұйымдастырылды. Лагерьде көптеген жаңа достармен таныстым. Олармен қоштасу әрине қиын болды. Бос қолмен оралған жоқпыз. Лагерьде өткен іс-шараларға белсенділікпен қатысқаны үшін мен және мектебіміздің оқушылары Лера Громакова, Кристина Шулико грамоталарға ие болдық.

     Демалысты есте қаларлықтай етіп ұйымдастырғандардың барлықтарына рақмет!   

5Б сынып оқушысы Данил Величко