Соңғы қоңырау – оқуды бітіріп жатқан қазақстан оқушыларының дәстүрлі мерекесі. Мектептерде соңғы қоңырау оқу аяқталған кезде, бірақ бітіру емтихандары әлі басталмай жатып мамыр айының аяғында өтеді. Соңғы көктемгі мамыр күндері көңіл – күйіміз әсерлі, өйткені соңғы қоңырау соғылады. Таңертеңнен бастап түлектер көшелердің сәнін келтіреді. Олар бірінші сынып оқушылары секілді мектеп формасын киіп, бастарына бант тағады. Сыпайы киінген ұл балалар да салтанатты жиыннан қалмайды. Бұл сәт әр түлектің жүрегінде із қалдыратыны сөзсіз.