Наурыз – бес мың жылдан аса тойланып келе жатқан қазақтардың және кейбір Азияның халықтарының басты мерекесі. Наурыз – көктем мерекесі, табиғат жанданатын кез, жаңа жылдың және өмірдің бастауы. 22 наурызда күн мен түн теңеледі.
19 наурыз күні мектепте Наурыз мерекесіне арналған концерт ұйымдастырылды. Мерекенің жүргізушілері – 4 «В» және 4 «Г» сынып оқушылары осы Ұлы күн туралы қысқаша мәлімет берді. Қонаққа келген түрлі ұлт өкілдері өз тілектерін білдіріп, ұлттық тағамдарынан дәм татқызды. Оқушылар аса қызығушылықпен «Қыз қуу», «Арқан тарту» тағы басқа ұлттық ойындарына қатысты.
Көркем жетекші Ольга Сергеевна Никуличева және музыка пәнінің мұғалімі Александр Викторович Шорохов жақсы әндер мен билер дайындады.
Сонымен қатар ұлттық тағамдар көрмесі ұйымдастырылды. Мерекелік дастарханында чак–чак, ұн тағамдары, шығыс тағамдары, бауырсақ сияқты тәттілер болды. Дәстүр бойынша шашу шашылды.