Наурыздың 14 күні мектебімізде 3-4 сыныптар арасында Ұлыстың ұлы күні Наурыз мерекесіне Павлодарское ауылымыздың 85 жылдығына орай ұйымдастырылған  «Әр елдің салты басқа» атты іс-шара өткізілді. Шараның мақсаты Қазақстан халқы достық пен бірлік ел екенін көрсете отырып, әр ұлттың өзіндік салт-дәстүрін насихатттап, келешек ұрпаққа үлгі ретінде көрсету болды. Мұнда кейбірі «Бесікке бөлеу», «Тұсау кесу», салт-дәстүрін көрсетсе, бірі қазақтың ұмыт болған ұлттық қолөнері киіз басуды, сырмақ тігуді  көрсетті. Бірі мың бұралып, украина ұлтының биін билесе, бірі грузин халқының өлеңдерін нақышына келтіре орындап, енді бірі қазақтың Алдаркөсе ертегісінен үзінді көрсетті. . Сондай-ақ қазақтың ұлттық ерекшелігін айқындайтын қолөнер көрмесі ұйымдастырылды.