Қазан айының 25-  күні  «Сарыарқа самалы» газетінің ұжымы біздің мектепте қонақта болды. Кездесудің басты мақсаты  оқушылардың шығармашылығы насихаттау болды. Кездесу барысында оқушылар өз өнерлерін ортаға салды. Келген қонақтарды жүргізушілігімен Алдан А тәнті етсе, өзі жайлы өлең жазған Арман. Ж ерекше көзге түсті. Сондай-ақ  3«а» сынып оқушыларының орындауындағы «Отан»  әні көрермендерге ұнады. Бірі өлең құрастырса енді бірі ребус, өтірік өлең шығарып келген қонақтарға айтып берді.

     «Сарыарқа самалы»  газетінің 80 жылдыққарсаңында жүргізіліп жатқан іс-шараны ұйымдастырған газет ұжымы өз тартуларын ала келді. Әсем ән мен тамылжыта орындалған күйді оқушылар ұйып тыңдады.

      Газеттің «Айналайын» қосымшасының балалар шығармашылығын дамытуда ерекше орын алатыны айтылып, оқушыларды шығармашылықпен айналысуға кеңес берді.  Кезекті санында оқушылар шығармашылығы газетте жарияланатындығын айтып өтті. Кездесу  соңы түрлі ұсыныстармен аяқталды.