Жаңа жылым мол болсын, Басқан қадам оң болсын. Төрле, төрле жаңа жыл, Бізге құтты болсын. Желтоқсанның 27-28 күндері №41 ЖБББМ «Жұлдыз» шағын орталығында жаңа жылдық ертеңгіліктер өтті. Мереке басталмас бұрын тәрбиешілермен бірге тәрбиеленушілер жаңа жылға арналған тақпақтар,әндер,билер мен қатар «Жаңа жыл» тақырыбына әңгімелер жүргізілді. Аяз атаның кешіне балалар көз тартарлық әдемі:ханшайымдар,ақшақарлар,құртақандар,аққалалар,тиіндер,қасқырлар сияқты киімдермен барды. Шыршаның жанында балаларды Мыстан кемпір,Түлкі Алиса,Мысық Базилио,Аққала секілді кейіпкерлер тосып алды. Олар балаларға арнап қызықты жұмбақтар,ойындар мен тосын сыйлар дайындады. Мерекенің басынан бастап ертегі кейіпкерлері балақайларды сиқырлы әлемге түсірді. Балалар бірден қызықты мерекелік көңіл –күйге түсіп,әртүрлі сайыстарға қатысты. Аяз ата мен Ақшақардың келісімен шыршаны айнала әндер мен билердің көңілді кеші басталды. Кеш бойы балалардың көңіл-күйлері көтеріңкі,жүздерінен күлкі кетпеді.