17-18 наурыз күндері бізідің шағын-орталығымызда бүлдіршіндер «Наурыз-жыл басы» деген мерекені тойлады. Балалар ата-аналарына ән айтып, би билеп құттықтады. «Әже мен Наурызгүл», «Алдар Көсе мен Бай», деген көрініс көрсетті. Балалардың қойылымы ата-аналардың көңілінен шықты. Ересек тобында ата-ана мен бала қатысқан «Орамал тастамақ» және «Арқан тартыс» ойындары қызықты отті. Даярлық тобының балалары ұлттық салт-дәстүр рәсімдерін: «Бесікке салу», «Шілдехана тойы» және «Тұсау кесу» көрсетті. Ұлттық киім киген ата-аналар мен балалар қазақтың салт-дәстүрі туралы білімдерін шыңдады. Балалар өздерінің 7 атасын атап, өздерін өлең жолдарымен таныстырды. «Байғазы», «Ерулік», «Көрімдік», «Жасау», «Енші», «Қырқынан шығару»-дәстүрлері туралы түсінік беріп, ұлттық тағамдар:Наурыз көже, құрт,қоспа, талқан, қымыз, жасау ретін айтып берді. Осы тағамдардан үстел дайындады. Ата-аналар өз қолдарынан бұйымдар жасап бір-біріне сый етті. Ата-аналар комитеті тәрбиешілердің еңбегін бағалап, құттықтау тілектерін айтты. Осындай мереке шағын-орталықтың әр тобында да жылдағыдан ерекше түрде өтті. Мерекеден ата-аналар да, балалар да үлкен әсер алды.