Бүгін мектебімізде түрлі бағыттағы әдістемелік бірлестіктің жоспарлы отырысы өтті. Күн тәртібінде: үлгерімі төмен оқушылармен жұмыс жасау нәтижелері; дарынды балалармен жұмыс жасау тиімділігі; мұғалімдердің өздігінен білім алу тақырыптары бойынша жартыжылдықта атқарылған жұмыс туралы есеп беруі; «Заманауи сабақ – 2016» интернет-фестиваліне педагогтарды даярлау және оған қатысу. Сонымен қатар мұғалімдер озық педагогикалық тәжірибелерді жалпылауға қабілетті және ниеті бар үміткерлерді ортада талқылады. Осыған қоса өткізілген жартыжылдық бақылау жұмыстарының қорытындысын шығарды.