«Біз саламатты өмір үшін!» Денсаулық фестивалі

Қазақстан Республикасының «Денсаулық» денсаулық сақтау саласын дамытудың 2016-2019 жылдарға арналған Мемлекеттік Бағдарламасы және Денсаулық сақтау және әлеуметтік даму министрлігінің СӨС қалыптастыру және аурулардың алдын алу жөніндегі іс-шаралар жоспарын жүзеге асыру аясында СӨСҚПҰО ұйымдастыру-әдістемелік қолдауымен Павлодар қаласының №43 ЖОМ ММ әкімшілігі, педагогтар, оқушылар мен олардың ата-аналары, СӨС координаторы «Денсаулық фестивалі – 2016» кең аумақты акцияға белсене қатысты. Денсаулық фестивалі «Біз саламатты өмір үшін!» деген ұранмен алға басты. Негізгі мақсаты – қоғам назарын ынтымақты жауапкершілікке тарту, дене тәрбиесін арттыру арқылы өз денсаулығын сақтау және нығайту, дұрыс тамақтану, жаман әдеттерден бас тарту, сондай-ақ денсаулық сақтау дағдыларын қалыптастыру болып табылады. 6 маусым күні «Көңілді адамдар» лагерінің бірінші ауысым қатысушыларымен бірге мемлекеттік және орыс тілдерінде салтанатты ашылуы өткізіліп, ал 7 маусым 1-11 сынып оқушылары арасынан 90 оқушыдан астам бала мектепте динамикалық флешмоб көрсетті. Мұнда оқушылар қазақ және орыс тілдерінде өлеңдер оқып, әзіл-сықақ үлгідегі қойылымдарды қойды, саламатты өмір салтына әндер шырқалды. Өнерлі де, көрікті жүргізушілер көрермендер көзайымына айналды. Шараға СӨСҚПҰО өкілі Анар Касымовна Турарова қатысып, мектеп ұжымына жылы жүзді шыраймен қабылдағаны үшін өз алғысын білдіріп, зор денсаулық, мол табыс тіледі.