Павлодар қаласының № 43 мектеп негізінде Павлодар қаласы білім беру бөлімінің әдістемелік кабинетімен бірлесіп, «Жаңартылған білім беру мазмұны аясында оқыту әрекеттерін ұйымдастыру ерекшеліктері»атты семинар- практикум өтті. Семинардың модераторы мектептің оқу – тәрбие жұмысы бойынша директор орынбасары Самал Каскырбаевна Аубакирова болды. Семинар барысында оқушылармен жұмыс жасаудың тиімді тісілдері мен әдістері ұсынылды. Оқушылардың сабақ уақытындағы оқу дағдыларын қалыптастыру бойынша мәселелер қарастырылып, талқыланды. Шығармашылық топтың жетекшісі Б.Е.Мукажанова оқушылардың дағдыларын қалыптастыру тәсілдерімен толығырақ таныстырды.
Қазақ тілі және әдебиет мұғалімі Ж.Т. Мурсалиева семинардың қатысушыларымен жұмыс тәжірибесімен бөлісті, оқу үрдісін ұйымдастыру кезінде қолданылатын тәсілдер мен әдістерді көрсетті.
Семинардың тәжірибелік бөлігінде мұғалімдерге бірінші санаттағы қазақ тілі және әдебиет мұғалімі А.Е. Абильдинова ашық сабақ көрсетті.