Оқушыларды рухани-адамгершілікке тәрбиелеу, туған өлке тарихына құрметпен қарау мақсатында және  «Рухани жаңғыру»  бағдарламасы шеңберінде мектеп Қамқоршылық кеңесімен бірлесіп 6,8 сынып оқушылары Павлодар қаласының қасиетті орындарына бару үшін экскурсия ұйымдастырды.  Бұл: Қаздар қонысы, Благовещен шіркеуі,  саяси қуғын-сүргін құрбандарына арналған мемориал,  М.Шамсутдинова атындағы мұражай және М. Көпеев атындағы мешіт. Ұйымдастырушылардың айтуынша,  ашық аспан астында мәдени-тарихи орталықтары, қала мұражайларында өткізілген тарих  сабақтары  балалардың естерінде көпке дейін қалады. Экскурсия сервис және тамақтандыру колледжінде ұлттық тағамдары жайылған дөңгелек үстелдерде түскі аспен аяқталды.