2018 жылғы 12 мен 14 желтоқсан аралығында Тәуелсіздік күніне арналған мерекелік ертеңгіліктер өтті. Мерекеге ата - аналар шақырылды. Біз балаларымызға қазақ халқының мәдениеті мен өнеріне деген сыйластық пен сүйіспеншілікті тәрбиелеуге тырысамыз. Бұл патриоттық тәрбиенің бір тасын қалайтын кезең.  Балабақшада мектепке дейінгі білімді түрлі халықтардың балалары алады. Сондықтан басты назар үштұғырлы саясатты іске асыруға бағытталады. Сәбилер тақпақтарды анық сеніммен қазақ, орыс және ағылшын тілдерінде сайрап айтып бере алды. Концерттерде патриоттық әндер, билер, домбырада ойнау, домбырамен билеу, түрлі тақпақтар оқу желісі өтті. Көрермендер мерекелік концертке дән риза болды десек артық айтылмас.