Ұстаз! Осы бір сөздің түбінде - қаншама киелі құдірет, ұлағатты ұғым жатыр. Адам баласы не заманнан бері жаңаны үйреніп, ғылымды игеріп, білімді тоқумен келеді. Қай кезеңде болмасын тәлім мен тәрбие беру - ең ұлы мұрат. Бұл орайда, оқушы зердесін осынау асылды дарытушы, білімнің бағдары, ұрпақтың бағбаны ол ең алдымен - мұғалім. Ендеше, мұғалімдер күні - орны бөлек, дәрежесі биік, ең ұлық та ұлағатты мерекеге орай "Павлодар қаласының 37 жалпы орта білім беру мектебі" КММ мәжіліс залында "Ұстаздар - Ұлы Тұлғалар " атты мерекелік шара өтті. Шарада 1-11 сынып оқушылары барша ұстаздар қауымын осынау мерейлі мерекелерімен шын жүректен құттықтап, ән-шашуларын шашты.
Салтанатты жиын барысында мектеп басшысы Г.С.Мантыкова түрлі аталымдар бойынша жыл сайынғы өткізілетін байқаудың жеңімпаздарын марапаттады.