Павлодар облысының «Балалардың бос уақытын қамту және шығармашылық орталығы» ұйымдастыруымен 20-қараша күні қала мектептер арасында «Мен - өз елімнің патриотымын» атты конкурс өткізілді.

Мақсаты: оқушыларды Ұлы дала елін сүюге, құрметтеп қастерлеуге, өз елінің тарихын білуге, бай - қуатты ел екендігін мақтан етуге үйретіп, туған еліне, жеріне деген сүйіспеншілігін арттыру, махаббат сезімін ояту.

Шара барысында қатысушылар Қазақстан қалалары туралы әндер айтты, викториналық сұрақтарға жауап беріп, түрлі ойындарға қатысты. Мектебіміздің тәлімгері Айдана Баязитованың жетекшілігімен 7-8 сыныптардан құрамдалған «Бірлік» тобы атынан 8-сынып оқушысы Зейнолла Тұрар «Қазақстаным» әнін айтып, топтық құрамы сайысқа белсенді қатыса білді. Соның нәтижесінде оқушыларымыздан құралған «Бірлік» тобы жүлделі бірінші орынды иеленді. Жеңісіміз құтты болсын!