Роботтар – қарқынды дамып келе жатқан болашақтың жоғарғы технологиялардың бірі. Қазіргі кезде роботтар өміріміздің көптеген саласына, атап айтқанда, ғарышты игеру, денсаулықты сақтау, өндіріс, қоғамдық қауіпсіздікті қамтамасыз ету, қорғаныс ісі және басқа салаларға еніп үлгерді. Мектептерге де «Робот техникасы» курсы ене бастады. Бұл бағдарламаның мақсаты: Жалпы білім беретін ұйымдарда «Робот техникасы» элективтік курсын іске асыруды шығармашылық және практикалық негізде оқыту. Осыған орай «Робот техникасы» курсында біздің мұғалімдер Lego mindstorms EV3 Education жинағымен, роботтарды құрастыру және бағдарламалау элементтерімен танысып, өз біліктіліктерін арттырды.