2016 жылдың төртінші қазанында Павлодар қаласында оқушылардың қалалық ғылыми жобалар сайысы өтті. Оған № 37 ЖББ мектебінен 22 оқушы қатысып, өз бақтарын сынады. Нәтижесінде 11 оқушы өздерінің ғылым жолындағы ізденістерінің жоғары дәрежеде екендігін көрсетіп, облыстық кезеңге жолдама алды және түрлі аталымдар бойынша дипломдармен марапатталды. Мәселен, "ХХІ ғасыр жобасы" аталымын 10-сынып оқушылары Бақтыбай Ілияс пен Садартинова Рахима иеленсе, "Батыл қадам" аталымын Шайменова Аделя мен Жұмағалина Айина жеңіп алды. Ал "Кемел білім" аталымын Ғазиз Зайнагүл, "Еңбек етсең, емерсің" аталымы Қабдылбари Анель мен Қасымжан Томириске бұйырды. "Нағыз ізденуші" болып Жаныгулова Камила танылды. Оқушыларымыздың осындай жетістіктері мектебіміздің де мерейін асырып, қала мектептерінің ішінін алдыңғы орынға шығарды. "Ең мықты ғылыми қоғам" аталымы салтанатты түрде мектеп ұжымына табыс етілді.

Оқушылардың "Дарын" ғылыми қоғамының төрайымы

Қ.М.Абдуллаева