Бүгін №37 ЖОМ кітапханасында «Табиғат-тал бесігім» атты тақырыпта 3 "б" сынып оқушыларына арналған танымдық сабақ өтті. Аталған шараны өткізудегі мақсат - балаларға қоршаған ортаны қорғаудың маңыздылығын Қазақстанның табиғи байлықтарымен таныстыру арқылы жеткізу. Шара видематериал көрсетумен басталды. Табиғат туралы қойылған жұмбақтар оқушылардың қызығушылықтарын оятты. Сондай-ақ, оқушылар табиғат туралы өлең жолдарын оқып, өз туған жерлерінің сұлулығын суреттеп өтті. Айнала табиғатымызды қорғаудың қаншалықты маңызды екенін өз сөздерімен түсіндіруге тырысты. Сабақ соңында Нұрғиса Тілендиевтің "Сарыжайлау" әні орындалды. Танымды сабақты жүргізген мектебіміздің кітапхана меңгерушісі Әмренова Сәуле Қажыбекқызы оқушыларға белсенді қатысқандары және шығармашылық өнерлері үшін алғыс білдірді.