Бүгін «Павлодар дарыны шығармашылық орталығының» ұйымдастыруымен қаламыздың төменгі жағажайында балалар арасында "Жаз қызықтары" атты асфальтта сурет салу байқауы өтті.
    Мақсаты: балаларға мерекелік көңіл күй сыйлай отырып, олардың шығармашылық қабілеттерін дамыту, сурет салуғa деген ынталарын арттыру, әдемілікке, әсемдікке тәрбиелеу. Байқауға біздің мектептен «Мәңгілік ел –жарқын болашақ бастауы» атты мектеп жанындағы жазғы сауықтыру лагерінің балалары қатысты. Балалар еркін тақырыпта өз ойларын әсем безендірілген алаңдағы асфальт бетіне түрлі-түсті борлармен суреттер салды.
     Балалар өз суреттерінде көгілдір аспанды, баршаға нұрын шашқан күнді, керемет табиғатты, сүйікті отбасыларын, достарын бейнелеген.
Байқауға қатысқан оқушылардың суреттері бір - бірінен әдемі, көркем бояулармен салынған суреттер болды.