Тамаша жыл мезгілінің бірі күзі де келіп жетті. Әр жыл мезгілі өз табиғатымен ерекшеленеді. Біздің мектебімізде жылдағы дәстүрімізге сай 2-10 сыныптар арасында « Күз Ханшайымы мен Ханзадасы -2017» атты күзгі балл кеші өтті. Сайыс барысында түрлі костюмдер киіп, күз тақырыбында икебаналар жасалынды, тамаша дайындығымен, әсерлі өнерімен, ғажап шеберлігімен топ жарып, оқтай озып шықан топтар жүлделі орындарға ие болды. Ханшайым мен ханзадаларымыз өздерінің өнерлерін ортаға салды. Сайыс қорытындысы бойынша 2-4 сыныптар арасында «Күз Ханшайымы және Ханзадасы -2017» атағына 3 «Б» сынып оқушылары Қожабаев Алмаз және Қалым Нұрсана атанды. 5-7 сынып аралығында 6 «Г» сынып оқушысы Саханова Томирис «Күз Ханшайымы -2017 атанды. 8-10 сыныптар арасында Акпаров Алішер мен Далабаева Дария «Күз Ханшайымы және Ханзадасы -2017» бас жүлдесін жеңіп алды . Сайыс өз деңгейінде өтті. Бәрінің көңілінен шықты. Келесі күзді асыға күтеміз.