2017 жылдың 3 қарашасы жұлдызында мектебімізде қазақ тілін латын әліпбиіне көшіру жөніндегі қалалық жұмыс тобының іс-шаралар жоспарына сәйкес жұмыс тобының мүшелері С.Торайғыров атындағы Павлодар мемлекеттік университетінің профессоры, филология ғылымдарының докторы Айтмұхаммед Қасымбайұлы Тұрышев, Павлодар қаласы мәдениет және тілдерді дамыту бөлімінің сектор меңгерушісі Мейрам Төлегенұлы Нұғыман, Павлодар қаласы білім беру бөлімінің жалпы орта білім беру секторының бас маманы Нұргүл Шалабайқызы Азанбаеваның қатысуымен мектеп қызметкерлерімен жаңа әліпбиді іс жүзіне енгізу мәселелерін талқылау бойынша кездесу ұйымдастырылды. Бұл отырысқа әр мектептен қазақ тілін үйлестіретін директор орынбасары мен қазақ тілі және тарих пәні мұғалімдері шақырылды. Аталған кездесу-семинарында қазақ тілін латын әліпбиіне көшіру бойынша түсіндірме жұмыстары жүргізілді. Шара барысында Павлодар қаласы мәдениет және тілдерді дамыту бөлімінің сектор меңгерушісі Мейрам Төлегенұлы жұмыс тобының алдағы жоспарына қысқаша тоқталып өтті. Атап айтқанда орта білім беру мектептерінде оқушыларды жатжазуға үйретудің ілгерінді бастамасын бастауыш сыныптан бастайтыны туралы, ал жоғары сыныптар арасында зияткерлік жарыстар өткізілетіні туралы хабарлады. Мұғалімдер қауымын да біліктіліктерін арттыру жөнінде курстар ұйымдастырылатынына да тоқтады. Қортынды сөзін, «бір анығы, болашақта мемлекеттік мекемелердегі іс-қағаздардың барлығы латын әліпбиінде жүргізілетін болады. Осы мәселеге байланысты белгілі бір мемлекеттік бағдарлама түзілуі мүмкін. Сол кезде біз латын әліпбиіне байланысты нақты қандай жұмыстар атқарылатынын білеміз. Ал әзірге психологиялық дайындықтан өтуіміз қажет. Ол үшін алдымен біртіндеп көрнекі ақпараттарды өзгертіп, халықтың көзін соған үйрете беруіміз керек» деп аяқтады.
С.Торайғыров атындағы Павлодар мемлекеттік университетінің профессоры, филология ғылымдарының докторы Айтмұхаммед Қасымбайұлы да семинар тақырыбына байланысты ұсыныстарымен бөлісті. Латын әліпбиіне көшу мақсатында мұғалімдерге оқушыларға арналған «әдістемелік құралдар» мен «фонетика оқулығы» және «көмекші құралдар» жасауды ұсынды. Өз сөзін, тәуелсіз мемлекетіміз жылдан-жылға өсіп-өркендеп, отандық ғылым-білім саласы дамып келеді. Осындай тамаша кезеңде латын әліпбиіне көшсек, ешқандай қиындық туындамайды деп ойлаймын. Қуантарлығы, бүгінде бастауыш сыныптарда оқитын балаларымыз ағылшынша үйренуде. Білім қуған жастар шет тілдерін меңгеріп, шетелдерде білім алуда. Осы тұрғыдан алғанда латын әліпбиіне көшуден қорқудың еш негізі жоқ деп санаймын. Бұл қадамға бару болашақ үшін маңызды екеніне сенемін. Себебі, бүгінде крииллицаның аясы өзінен-өзі тарылып келеді. Оның орнын ағылшын тілі басуда. Өйткені, ол өзінің қажеттілігін мойындата білді. Сол сияқты латын әліпбиінің де болашағы зор болатынына еш күмәнім жоқ деп қортындылады.
Ең бастысы, латын әліпбиіне көшу жөніндегі іс-шараларды жүзеге асыру білім беру қызметкерлеріне қойылған жауапкершілік және зор сенім екендігін атап өтті.