2017 жылдың 2 – 5 ақпан айының аралығында Омск қаласында халықаралық жоба шеңберінде «СИБИРЬ зажигает звезды» атты конкурс-фестивалі өткен болатын. Ресей Федерациясы Мәдениет министрлігінің ақпараттық қолдауымен, Омск қаласы әкімшілігінің мәдениет Департаментінің ақпараттық көмегімен өтті. Осы конкурста 4 «А» сынып оқушысы Алина Кармен қатысқан болатын. Алина №3 балалар музыкалық мектебінде фортепианода ойнауды үйреніп жүр. Бұл оның бірінші байыпты өнер көрсетуі. Толқудың шегі болмады, бірақ Алина өзін қолға алып, жоғары деңгейде өнерін көрсетті. Әділ қазыларға екі композиция ұсынылған болатын: И. Бах Маленькая прелюдия, С. Дварионаса Вальс. 9 – 12 жас аралығындағы 56 қатысушылар ішінде, Алина 5 орынды жеңіп алып, ІІ дәрежелі Дипломына ие болды.

Жас өнерпазға шығармашылық табыс пен музыкалық шыңына жетуді тілейміз.