26.12.19г біздің мектебімізге "Ақсақалдар ұйымының" құрметті қонақтары келді. Атап айтатын болсақ: білім беру ісінің үздігі, "Облыс алдында сіңірген еңбегі" белгісінің иегері, Аққулы ауданының Құрметті азаматы Қабидолла Әлиұлы Әлібаев. Ақын сазгер, күйші, "сегіз қырлы, бір сырлы" ақсақал, Республикаға еңбегі сіңген өнер қайраткері, Баянауыл ауданының құрметті азаматы Балтабай Сәкенұлы Сыздықов. "Қазақ халқының ұлттық құндылықтары" атты 7 "а" сыныбымен тәрбие сағатын өткізді. Балтабай Сәкенұлы "қазақтың киелі домбырасы және күй өнері" туралы айтты. Қабидолла Әлиұлы"Тұлғалар өсиетін басшылыққа алу- жастар парызы" тақырыбын түсіндірді.