2020 жылғы 9 мамырда Ұлы Отан Соғысының Жеңісіне - 75 жыл. Соғыс батырлары жүректерімізде мәңгілікке қалады. Ұлы Отан Соғысының батырлары арасында 46 мың павлодарлық та елімізді жаудан қорғады. Олардың 23 мыңы соғыстан оралды. Жиырма үш павлодарлық Кеңес Одағының Батыры атағына ие болды. Павлодар қаласының Жеңіс саябағында Ұлы Отан соғысына қатысқан павлодарлық жауынгерлердің құрметіне үлкен ескерткіш бой көтерген. Биіктігі жиырма төрт метр бұл ескерткіштің түбінде Отан үшін өмірін қиған боздақтарға арналған Мәңгілік алау жанып тұр. Сондай-ақ Даңқ саябағында соғыстан қайтып оралмаған бір мың екі жүз жауынгердің аты-жөні жазылған мәрмәр тақта орнатылған. Ешкім де, ештеңе де ұмытылмайды!

Кітапханашы: Машгутова Г.К.