Жас маман мектебі жұмысының шеңберінде «Жас маманның үздік портфолиосы» конкурсы өткізілді. Конкурстың критерийлеріне мұғалімнің жеке жұмыс жоспары, өзін-өзі жетілдіру жұмысы туралы ақпарат пен педагог туралы мәліметтің міндетті түрде болуы тиіс екені алдын-ала ескерілді. Сонымен қоса өзіндік және оқушылардың жетістіктерін растайтын мадақтамалар мен сертификаттар қажет етілді. Конкурсытың қорытындыларын шығарушы 1 деңгейлі мұғалімдерден құралған жюри ағылшын тілі мұғалімі А.С. Каиркенова, қазақ тілі мен әдебиеті мұғалімі Қ.Қ. Кабылдина және информатика мұғалімі А.В. Скляренконың жұмыстарын ерекше атап өтті. М.Ю.Емельянова, А.А. Исполова, А.М. Серікбай, А.Д.Сматова, А.Ж. Бекен, С.К Казкенова, А.С. Аханованың портфолиолары жақсы деген бағаға ие болды. Жас мамандармен жүргізілетін жұмыстың келесі кезеңінде мұғалімдер педагогикалық эссе жазуы жоспарлануда. Мұғалімдерге табыс тілейміз!