Үй тапсырмасын дайындау бойынша ата-аналар үшін ұсынымдар Балалар сабақтан оралды, тамақтанып алды, осы күнгі болған оқиғалар туралы айтып берді, энергияны шығару үшін аздап жүгірді. Енді олар үй тапсырмасын дайындауға әзір.   Үй тапсырмасын орындау тек бала үшін ғана емес, бірақ ата-ана үшін де стресстік болып қалуы мүмкін. Кейбіреулері даудамайсыз жай ғана сабақтарын жаттайды, басқалары үшін бұл сәбидің көз жасымен және ата-ана тарапынан ашу-ызамен аяқталатын күнделікті күрес. Біздер оларды жетістікке жетуі үшін барлық қажеттіліктермен қамтамасыз етуіміз керек.   Дұрыс жұмыс жағдайы Кейбір ұстаздар назар аударушы факторлардың толық жоқтығымен тыныш жағдай құруға кеңес береді. Бірақ толық тыныштық әрқашан да мектептегі немесе жұмыстағы жаттығу жағдайларына сәйкес келе бермейді.   ü Баланың жақсы жұмыс істеуі үшін қолайлы жағдай жасаңыз Балаға үй тапсырмасы барынша қолайлы жағдайларда орындалуы тиіс. Ата-аналарға баланың тиімді жұмыс істеуіне не көбірек әсер ететінін білу қажет, бірақ бұны баланың өзінен сұрау керектігін ұмытпау қажет. Баланың дайындалатын кеңістігінен өзге оқу барысында үлкен рөл ойнайтын көзбен шолатын факторлар және тіпті көзге түсетін элементтер де бар. Кейбір балалар пижамада немесе жаттығу шалбарында үй тапсырмасын шабыттанып орындайды, басқалары жанында сусын мен дәмтатым болғанын қалайды, тағы біреулері үй тапсырмасын орындағанда музыка тыңдағанды жөн санайды. Біреулерге ата-анасының көмегі қажет болып жатса, басқалары өз-өздігінен орындайды. Баладан оған қандай жағдайда үй тапсырмасын орындау қолайлы екенін біліп алыңыз, бірақ егер Сіз, кейбір сәттерге келіспесеңіз өз көздегеніңізді сақтап қалуға дайын болыңыз. ü Жұмыс орнын таза, жақсы жарықтықта ұстаңыз, барлық керексіз заттарды тығып қойыңыз. Үй тапсырмасын теледидар, компьютер алдында немесе компьютермен ойнау кезінде орындауға келіспеңіз. Жай ғана – жоқ деңіз, және де өз дегеніңізден қайтпаңыз. Бұл баланың ықыласын алаңдатады және материалды тиімді игеруге, тапсырманы түсіну мен оны орындауға кедергі болады. Ешкім, бір уақытта теледидар көріп, қандай да бір жұмысты жақсы істей алмайды. Бұл айтқандар баланы электрондық хаттармен, тұрақты хабарлармен және Интернетке шығуға деген құлшыныс арқылы алаңдататын компьютерге де қатысты. Егер компьютер үй тапсырмасын орындау үшін керек болса, баланың немен айналысатынын қадағалаңыз. ü Үй тапсырмасын орындау үшін уақыт шеңберін орнатыңыз да соларды ұстаныңыз Егер үй тапсырмасы теледидарға қарағанға дейін, компьютер ойындары мен компьютерді көңіл көтеру үшін пайдалану алдын, сондай-ақ достармен кездесу алдын орындалу керек болса, бұл ережелер жыл басында орнатылуы тиіс. Қажетті кеңсе жабдықтары ü Үстелге сурет салу мен жазу үшін қалам, қарындаш, түсті қарындаштар, маркерлер, өшіргіштер және қағаздарды өз ішіне алатын барлық қажетті кеңсе жабдықтарын қойыңыз. Басқа қажетті материалдарға қайшы, сызғыш, қағазға арналған скрепкалар, степлер, желімді қарындаштар жатады. ü Ұстаздан балаға калькулятор керек пе деп сұраңыз, егер иә десе, қандайын сатып алу керектігін сұраңыз. Балаға күнделікті сөздіктер, энциклопедиялар мен глобустар, сондай-ақ басқа материалдар қажет болады.   Балаға жоғарыда айтылғандардың барлығы, уақытты анағұрлым тиімді пайдалануға мүмкіндік береді және кеңсе жабдықтарын іздеумен алаңдатпайтын болады.