Сіз басқарып отырған ұжымдағы әйелдер қауымын ару көктемінің алғашқы мерекесі - Халықаралық әйелдер күнімен шын жүректен құттықтаймыз.

Көктемнің алғашқы жылы лебімен, жанға жайлы сәулелерімен жететін осы бір мереке баршамызға жаңа сезім, екпінді  серпіліс әкелері сөзсіз, себебі тіршілік тұтқасын ұстап отырған аналар мен әпкелер, сіңлілер мен құрбылар, шын мәнінде осы өмірдің көркі, тіршіліктің көзайымы.

Өскелең жас ұрпақты баптауда егеменді Қазақстанның болашақ азаматтарын тәрбиелеуде әйел-ұстаздардың еңбегі, қосар үлесі ұшан-теңіз.

Осы мерекеде Сіздерге шаттық пен көтеріңкі көңіл тілей отырып, отбасыларыңызға бақ-береке, жеке бастарыңызға денсаулық тілейміз.

Атқарып отырған қызметтеріңіз жемісті, ел мұратын арқалаған еңбектеріңіз елеулі болып, биік белестерден көріне беріңіздер.

Б.Ахметов атындағы Павлодар педагогикалық колледжінің ұжымы