Тәуелсіздік ең басты құндылығымыз!Тәуелсіздікке қантөгіссіз, бейбіт түрде қол жеткізгеннен кейін ғана елімізді әлемнің өркениетті мемлекеттерінің қатарына қоса алдық. 26 жыл ішінде тәуелсіз Қазақ елін қалыптастырып, нарықтың қиын өткелектерінен аман өткізіп келеміз.
Тәуелсіздік күні еліміздің барлық азаматтары үшін орны ерекше мереке деп білеміз, себебі, осынау жүрекжарды қуанышқа толы күнді ата-бабаларымыз ғасырлар бойы армандап, күтумен өтті.
ҚР Тәуелсіздік күні мерекесіне орай мектебімізде келесі іс-шарарал өткізілді:
• Бастауыш сынып оқушылары үшін «Отанымызды мақтан етейік!» атты мерекелік концерт;
• «Тәуелсіздік күні» видеоролигін тамашалау;
• «Қазақстан халықтарының ұлттық ойындары» тақырыбындағы қызықты қоңырау үзілістері;
• «ҚР Тәуелсіздігі» аттыкітап көрмесі;
• «Тәуелсіздік деп соғады жүрегіміз» атты 5,6,7 сынып оқушыларына арналған мерекелік концерт;
• «Жас Ұлан» ұйымына 5 сынып оқушыларын қабылдау;
• «Ең басты құндылығымыз – Тәуелсіз Қазақстан!» атты 8,9,10,11 сынып оқушылары мен ұстаздарға арналған мерекелік концерт.