Павлодар қаласы білім беру бөлімінің Балалар жылын өткізу бойынша іс-шаралар жоспарының шеңберінде 21 мамырда Павлодар қаласының оқу-өндірістік комбинаты ұйымдастырған 9-сынып түлектері үшін кәсіби бағдар беру бойынша «Өмірге жолдама» I форумы өтті. Форумға 800-ден астам қатысушы жиналды.

Павлодар облысындағы қазіргі әлеуметтік-экономикалық  жағдайында оқушыларға және олардың ата-аналарына болашақ мамандығын, оқу орнын таңдау бойынша көмек көрсету мақсатында бірыңғай алаңда барлық мүдделі тұлғалар жиналды.

Шақырылған қонақтардың арасында: Нұр - Сұлтан қ. BTS-Education өкілі, «Жаңа мамандықтар атласы» және «EduNavigator» жобаларының сарапшысы Олжас Мамырбаев, «Қазақстан алюминийі» АҚ кәсіпорынның дамытушысы - Динара Нұрболатқызы Қабыкен, Павлодар мұнай-химия зауыты ЖШС жастар ісі жөніндегі кеңес төрағасының орынбасары - Арыстан Нұрмұхамбет, ЕRG service ЖШС әлеуетті дамыту жөніндегі үйлестірушісі - Дианна Сапарова, Павлодар қаласының халықты жұмыспен қамту орталығының оқу бөлімінің басшысы - Зарина Ерғалиқызы Укпаева болды.

Форумның 24 кеңес беру алаңында кәсіби білім беретін оқу орындарына түсуді жоспарлаған 9 сынып оқушыларымен, олардың ата-аналарымен, мектеп басшыларымен, мұғалімдермен біздің қала колледждерінің өкілдері жұмыс істеді.

Алаңда ата-аналар мамандықтар, оқыту шарттары туралы біліп, колледждерге оқуға түсу үшін алдын ала құжаттар тапсыра алды. «Кәсіптік кеңес» аймағында Павлодар облысының жаңа мамандықтар атласымен танысты. Мұнда EduNavigator платформасында кәсіби диагностикадан өту ұсынылды, мамандық таңдау бойынша кеңес берілді.

«Суреттегі мамандықтар» және «Болашақ мамандықтары» фотокөрмесі қызығушылық тудырды.

Форумда салтанатты түрде «Болашақ маман» конкурсының үздік жеңімпаздарына алғашқы «өмірге жолдамалар» - біліктілік куәліктері, 2022, 2023 жылдарға арналған «В санатындағы жүргізуші»  бейінді курсы бойынша оқуға арналған сертификаттары табыс етілді. BTS-Education және «EduNavigator» өкілі EduNavigator платформасында кәсіби бағдар беру бойынша диагностикалық тест лицензиясына сертификаттарды ұсынды.

          Форумның барлық қатысушыларына алғысымызды білдіреміз!